ლინგვისტუსის ბლოგი

სიტყვები, ენები, ისტორიები, წიგნები, შეკითხვები და სხვ.

ნუგზარ შატაიძის მინიატურა

with 4 comments

ნუგზარ შატაიძე

გიო

განა ქალაქში კი არ არი წესივრობა, ქალო! აგე, ენაცვალოს ბებო ჩემს გიოსა – ჭკვიანი, ჭკვიანი, რო მეტი არ იქნება! ნეტა ვისა ჰგავს, ქა?!

ჩემები, ხო იცი, რანაირებიც არიან – უნორმოები! სულ ერთთავად გაშლილ სუფრას უსხედან სულ ერთთავად ვართალალოს გაიძახიან, ნახადი ჯერ არ გაციებულა და არყის ჟღინთი აღასად უდგათ!

ეს არა… ეს კარგია – გიოი, ენაცვალოს ბებო!

პატარაც ეგეთი იყო ქა?! – რო დაგესვა სკამზე და გეთქვა, აქედან ფეხი არ მოიცვალოო, საღამომდე ეგრე იჯდებოდა!

ამ გაზაფხულით შემეხვეწა – ბებოო, ერთი კვალის ალაგი დამიტოვე ბოსტანში, რაღაც უნდა დავთესოო.

დავუტოვე, ქა, – ოღონდაც მაგათ მოიწადინონ რამე და!

დაბარა, დაამასმასა… დათესა!

ამოვიდა რაღაცნაირი ბალახი, გაიზარდა, გამშვენიერდა, იმსიმაღლე გახდა, კაცი დაიმალება შიგა…

უვლის, უვლის, რო სუ ზედ დაჰფათფათებს! ქალაქიდა მოსული, ჯერ იქ უნდა მივიდეს, მიუგურგუროს, ხმელი ფოთოლი შეაცალოს, ძირები გამოუთოხნოს…

ახლა სრისავს იმ ფოთლებს, სუნავს, ილაგებს ჯიბე-უბეებში, მერეღა ჩამოდის პურის საჭმელად შინა.

მაგისი ხნისები რომ იყვნენ ჩემი შვილები, მარტის კატებივით დადიოდნენ, დადიოდნენ – მთელი ღამე იმათ მოსვენება არ იყო. მოვიდადნენ დილით ნაჩხუბრები, თავპირდასისხლიანებულები!

ეს არა… გიოი… ეს კარგია ენაცვალოს ბებო!

სამელს ხომ ზედ არ ეკარება. მოდი, ბიჭო, მოდიო, ერთი ჭიქა მაიც დაგვილიეო! – ეძახიან პაპა-ბიძები.

არაა, არ ერევა იმათ მარაქაში, ზის ფეჩთან წყნარად, დაშლის ამ პაპიროსს – ააწყობს, დაშლის – ააწყობს.

ეჰჰ, ეგღა არი ჩემი იმედი… ჩემი დამტირებელი… გულზე მიწის დამყრელი… ენაცვალოს მაგას ბებო!

Advertisements

Written by linguistuss

March 6, 2009 at 2:56 pm

4 Responses

Subscribe to comments with RSS.

  1. მართლა გარდაიცვალაო? :შოკ:

    mmm

    March 6, 2009 at 4:24 pm

  2. ძალიან მაგარია :)

    bas

    March 6, 2009 at 7:52 pm

  3. ცოტაარიყოს “პრედსკაზუემი” სიუჟეტია, მაგრამ არაუშავს. მთავარია აქტუალურ თემაზეა : ))

    noemberi

    March 6, 2009 at 8:24 pm

  4. ყველაფერი გავიგე “დაამასმასა”-ს გარდა.

    noemberi

    March 7, 2009 at 1:53 am


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: