ლინგვისტუსის ბლოგი

სიტყვები, ენები, ისტორიები, წიგნები, შეკითხვები და სხვ.

გზავნილი საქართველოდან

with 16 comments

1972 და 1973 წლებში ნასამ “პიონერ–10” და “პიონერ–11” დაძრა იუპიტერისაკენ, რომლებიც იუპიტერის ორბიტას დააჯდნენ, დამატებითი აჩქარება შეიძინეს და მზის სისტემის გარეთ იქნენ გატყორცნილები. სწორად მაშინ დაებადა კარლ საგანს, მე–20 საუკუნეში მოღვაწე ჩემს ერთ–ერთ ფავორიტ პერსონას, რომ ამ უპილოტო კოსმოსურ აპარატებში მოეთავსებინა ე.წ. Pioneer plaque, ანუ “პიონერის ფირფიტა”, გზავნილი დედამიწელებისგან, რომელზე გამოსახულ დიაგრამასაც არადედამიწური ცივილიზაციებისათვის უნდა შეეტყობინებინა ჩვენი პლანეტის ადგილმდებარეობა დროსა და სივრცეში და უმთავრესი ცნობები მისი გონიერი ბინადრების შესახებ.

დიდი ხნის ბჭობისა და განსჯის შემდეგ ცოლ–ქმარმა საგანებმა ეს სურათი შექმნეს (იხ. ილუსტრაცია). შემდეგ ლითონის ფირფიტაზე ამოკაწრეს და “პიონერ–10″–ში ყველაზე გამოსაჩენ ადგილას მოათავსეს და შემდეგ მისი ასლი “პიონერ–11″–საც გაატანეს. ნახატი გადატვირთულია სიმბოლოებით. მასზე არჩეულია დროისა და სივრცის ერთეულები. მითითებულია მზის სისტემისა და დედამიწის ადგილმდებარეობა 14 პულსარის ადგილმდებარეობის მიხედვით და მამაკაცისა და ქალის გამოსახულება, რომელსაც ძირითადი წარმოდგენა უნდა შეექმნა არადედამიწელ გონიერთათვის მზის სისტემის მესამე პლანეტაზე მოსახლე ჰომოსაპიენსების შესახებ.

პიონერის ფირფიტამ იმდროინდელ პურიტანულ ამერიკულ საზოგადოებაში მრავალი მითქმა–მოთქმა და შეკითხვა გააჩინა. მაგალითისთვის ერთ–ერთი საკითხი, რომელსაც მრავალი ტელეგადაცემა მიეძღვნა ის იყო, თუ რატომ არიან ქალი და მამაკაცი ფირფიტაზე შიშვლები?! უფრო მეტიც, ეს სურათი პირველი გამოსახულება იყო, კანადისა და ამერიკის ტელეეთერში გადაცემულ გამოსახულებებს შორის, რომელზეც ქალისა და მამაკაცის შიშველი ფიგურები იყო აღბეჭდილი.

დიდხანს ვფიქრობდი და აი, ქართველებს რომ დაემზადებინათ ეს ფირფიტა, უფრო სწორად რომ გახდეს საჭიროება გავაგებინოთ სხვა ცივილიზაციის წარმომადგენლებს დიაგრამის მეშვეობით, თუ ვინ ვართ და რა შეგვიქმნია, ნეტა რა უნდა ამოვკაწროთ ჩვენეულ ფირფიტაზე?! ჰოდა, დღეს ინტერნეტში ბოდიალისას ამ დიაგრამას წავაწყდი, რომლის ავტორიც გიორგი ჩახავაა. ჩემი მოკრძალებული აზრით ქვემორე განთავსებული დიაგრამა ზუსტად ასახავს იმას თუ ვინ ვართ, რა შეგვიქმნია და საერთოდ რა გვინდა ამ სამყაროში ჩვენ, ორზღვასშუა მობინადრე ქართველებს…

P. S. მიხვდით რა არის გამოსახული გიორგი ჩახავას დიაგრამაზე?!

Advertisements

Written by linguistuss

January 12, 2011 at 12:32 pm

16 Responses

Subscribe to comments with RSS.

  1. აშკარად ვისი ვისაშია რა მარა ეს დიაგრამა კი არა ჭრილია :D

    longbowman

    January 14, 2011 at 11:14 pm

  2. ჩაკრულო

    anina

    January 18, 2011 at 3:20 pm

  3. გღეით :))

    Zurriuss.GE

    January 29, 2011 at 11:30 am


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: